تجنبوا السموم البيضاء!

من طرف **Mohamad-Makram** الثلاثاء مارس 09, 2010 5:35 pm

تجنبوا السموم البيضاء!!!!!!!

اكثر الاكلات الي ناكلها تحتوي على نوعين من الغذاء لونهم ابيض ولكنهم يدخلو الجسم ويعملوا بلاوي وخطرهم كبيرة, وانا اسميهم سم واسوأ ما يمكن وضعه في المعدة وتغذية الجسم به, وحنلاقيهم في كل حاجة تقريبا في البسكوت, الشكولاته, الوجبات السريعة, العصيرات المعلبه, الفطاير, المعجنات, انواع كثير من الشوربة............. يعني الصراحة عدم وجودهم صعب, وحقولكم ايش هم وايش مخاطرهم.

السم الأبيض الأول: الدقيق الأبيض!
طبعاً عارفين انو الدقيق جي من القمح والقمح منتج زراعي طبيعي طيب فين المشكله؟! اول شيء خلينا نتكلم شويه عن القمح الطبيعي الكامل: القمحة الزراعية تتكون من ثلاث اجزاء: (قشرة,غلاف) وهذه كلها فيتمينات وأملاح والياف وهو جدا مفيد صحياً, (جنين) حاجه مثل البذرة للقمحه, (نشا) وهو مادة نشوية صرفة ما فيها أي فايده صحية سوى انها ترفع الوزن.
ايش الي بيصير؟! مصانع الدقيق العالمية تقوم بتقشير القمحة والتخلص من كل مكوناتها الصحية وتاخذ الجزء النشوي وتقوم بطحنه وبيعه, وبالتالي يعتبر هذا الدقيق مصنع وغير طبيعي ويسمى هذا بالانكليزي Refinery دوروا في النت بهذه الكلمة وتشوفوا كم هو خطير.

ا لي ما يقدر بلا الخبز والدقيق ايش يسوي؟
تناول الخبز الصحي: الأسمر النخاله, خبز الحب, الدخن
انتبهوا مو كل خبز نخاله او اسمر هو صحي , ولكن في طريقة سهله لمعرفت الخبز الصحي حذكرها في مشاركة مقبلة انشاء الله.

السم الأبيض الثاني: السكر!
معروف وما يبغاله شرح, صح بس خليني اقول:
المهم نعرا ايش خطورة السكر؟
1- كثرته يتلف الجهاز العصبي (لا حظوا مرضى السكر كيف عندهم رعشه وقبضهم للأشياء غيرقوي).
2- يرفع الوزن ويتحول الى دهون بفعاليه والجسم حريف في كده.
3- كثرته قد تصيب الانسان بالسكر الذي يسبب: ضعف جنسي و يضعف البصر.
4- يجوع ويخلي الواحد كل ما ياكل يجوع بسرعة ويرجع ياكل (شوفوا مرضى السكر).
5- كثرة تناول السكر يزيد الشهيه لتناول المزيد من السكر: سكر+سكر=دهووووون.
6- بيئة خصبة للخلايا السرطانية حيث انها تتغذى وتعيش في وسط سكري.
هذا البلاوي الي اعرفها عنه ومين يدري ايش فيه كمان؟

انظروا في من حولكم وشوفوا كم واحد عاش بصحة وفجأة جالوا السكر او اي بلاء آخر, صدقوني المشكله ما جات فجاه ولكن كانت متراكمه حبه حبه.

قدرة الجسم على تخزين السكر على شكل دهون أكبر بكثير من قدرته على تخزين الدهون على شكل دهون!!!! فعلاً صحيح

ا لي ما يقدر بلا الحلا ايش يسوي؟
استخدم العسل الطبيعي أو الأسود في التحلية وفي صنع الكيك............الخ
او استعمل سكر الفواكه ولكن باعتدال

معليش طولت عليكم ولكم الف شكر على الاهتمام وانشاء الله تعيشوا بصحة دايمه

من طرف مستر فراج الخميس أبريل 01, 2010 4:43 am

شكرا ليك دمت بود

تجنبوا السموم البيضاء!

تجنبوا السموم البيضاء!

رد: تجنبوا السموم البيضاء!